07 Jun SEMINARIVM IV COLLEGII LATINITATIS ann. MMXXIV habendum
SEMINARIVM IV COLLEGII LATINITATIS mense Iunio exeunte habebitur! Omnibus auditoribus qui sponte venerint, patebit gratuito aditus, dum subsellia vacabunt. En rerum conspectus iam legi potest:
«De affectibus et passionibus in litteris Latinis»
—Museo del Patrimonio Municipal
(Paseo de Reding 1, Malacae in Hispania),
Saturni die XXIX mensis Iunii ann. MMXXIV—
RERVM CONSPECTVS
- 09:15: Participes in sedem recipiuntur, subsidia distribuuntur
- 09:45: Verba aditialia seminario auspicando
- 10:00: Raúl Navarro (Collegium Latinitatis, Hispali)
“Dolor verbis emoderandus sive De remediis amoris”
Omnium affectuum nullus amore acerbius ferociusve hominum animos capit remordetque. Quisnam amore sublato feminam vel virum adhuc male patitur? Maximus apud Romanos amorum lusor, Sulmonensis ille, nobis medendi viam dedit, cuius praecipua consilia ad usum eorum, qui nunc sunt, hominum necnon ipse operis titulus philologia non spreta hic tractabuntur.
- 10:20 María Luisa Aguilar (Collegium Latinitatis, Valentiae)
“Affectus in schola perscrutemur: Quintilianus in praeceptis hodiernis ad comparationem linguarum?”
In consillis atque praeceptis hodiernis ad artem docendi spectantibus, affectus discentium magni aestimantur quo institutio feliciore successu perficiatur. Multa vero ex iis consiliis, ut fere fit, antiquos auctores revocant eorumque scripta usque ad recentissimos dies producunt. Quod nobis videtur contingere Quintiliano eiusque Institutionibus Oratoriis, ubi deliberationes cogitationesque minime vacuae sive ieiunae inveniuntur quae novissimimis rationibus instituendae linguae Latinae mirum conveniunt.
- 10:40 Alba Pozuelo (Collegium Latinitatis, Malacae)
“De amore et odio apud Ovidium: reprehensiones in Iasonem”
In Ovidii opere quod Heroides inscribitur nonnulla vituperia a feminis in amatos heroes suos inveniuntur. Item reperiuntur dignitas, superbia aut mixtura passionum quas quidem feminae ferunt, nam deseruntur a viris qui huc illuc oberrant. Tale est exemplum Iasonis, ad quem Hypsipyle et Medea epistulas mittunt.
- 11:00 Gabriel Cañamero (Collegium Latinitatis, Valentiae)
“Mea fama nascitur: cogitationes de invidiae sensu apud antiquos”
Horatius scripsit invidiam supremo fine domari (Ep. II. 1, 12). Hac in acroasi, testimonia de invidia in litteris Latinis exploranda suscepimus. Quid et qualis erat invidia Romanis? Quibus nominibus vocabatur? Quis a quo invidebatur? Num tantum homines invidere possunt? Suntne diversa genera invidiae? Estne haec passio sanabilis? Ad haec interrogata respondere conabimur, celebratissimorum auctorum testimonia oratione percurrentes.
INTERCAPEDO
- 12:00 Jose Sánchez-Tarazaga (Collegium Latinitatis, Pompaeloni)
“Desolare consolando: de calamitatibus Petri Abaelardi”
Saeculo XII ineunte Petrus Abaelardus, propter praeclaram scientiam necnon mirabilem temperantiam notissimus vir, cuiusdam iuvenculae discipulae, nomine Heloysae, insperato amore captus est. Quod autem commercium, etsi imprimis tamquam macchinatus dolus occulte coleretur, mox multis de causis —ne dicam insidiis— apertum est. Quid post evenit?
- 12:20 Rafael Herrera (Collegium Latinitatis, Malacae)
“Lacrimis carmine maduisse genas: de affectibus et passionibus arte musica motis”
Exempla praebentur cum ex litteris Latinis et Graecis tum recentioribus excerpta, affectuum et passionum quos in hominum numinumque pectora concentus et numeri concitant.
- 12:40 Praemium Certaminis c.n. “Alma Minerva”: Alexis Hellmer
- 13:00 Natalia Čepeláková (Pragae)
“Quid Petrarca in De remediis utriusque fortunae dialogo de affectibus et passionibus senserit”
In De remediis utriusque fortunae dialogo Petrarca suas et legentium passiones animi “mollire vel, si datum fuerit, extirpare” velle nuntiat. Ratio ceteras dialogi personas, i.e. Gaudium, Spem, Dolorem, Metum, temptationibus periculisque agitatas monet et ad vitam moderatam vocat, nam homo “rationis gubernaculo solus hoc iter vitae” agere potest. At tamen lites continua quam homo secum agit finem certum non habet nec semper Ratio vincit, immo animi motibus interdum afficitur quod exemplis hac in oratiuncula demonstrabitur.
- Clausura
- Prandium