21 Nov NOVAE VIAE: Magnus conventus Malacae nuper habitus
Posted at 08:58h
in Acroases
A.d. XV Kal. Dec. ann. MMXVIII plures quam CL Latinitatis fautores Malacam convenerunt ut de docendi rationibus per saecula receptis abundanter disceptarent. De utriusque linguae studio verba plurima facta sunt. De auctoribus in lyceis tractandis atque de ponte inter rudimenta et auctores sternendo disseruit Georgius Tárrega, praeses Collegii nostri. Neque est praetermitenda lustratio doctissima ab alacribus sodalibus Circuli Latini Malacitani tradita, in Museo Malacae habita. Primus est hic conventus NOVARVM VIARVM, at plures ordinabuntur, quis dubitat?, proximis annis.
