12 Abr COLLOQVIA MVSARVM I: Alexis Hellmer de solatio ex bonarum artium studiis
COLLOQVIA MVSARVM (I)
“Musa consolatrix sive de solatio ex bonarum artium studiis”
Alexis Hellmer
– QUID EST? Colloquium inter oratorem et participes, via moderatricis.
– QUOMODO ID FIET? Orator noster, Alexis Hellmer, de argumento supra nuntiato verba faciet. Post 7-8 minuta orator pausam faciet atque ius loquendi tradet nostrae moderatrici Paulae, quae rogata atque disputationes, quae in spatio sermocinandi (CHAT) scripta erunt, oratori tradet. Haec ratio colloquendi bis terve iterabitur.
– QUOTO DIE ET HORA HABEBITUR? Die 24 mensis Aprilis (Saturni die), hora 17.30 (Matriti, in Hispania), hora 10.30 (Angelopoli, in Mexico). Colloquium 45 fere minuta longum erit.
– QUO INSTRUMENTO UTEMUR? Colloquium fiet ope WEBEX (situs est retialis ad scholas, orationes atque coetus e longinquo habendos). Rogata audientium non magna voce ponentur, sed in spatio sermocinandi (CHAT) inscribentur. Ea deinde a nostra moderatrice ad oratorem tradentur.
– QUOMODO POSSUMUS PARTEM COLLOQUII HABERE? Colloquium apertum est sociis atque omnibus hominibus qui voluerint partem habere. Primum oportet nomen dare hic ante diem 22 mensis Aprilis. Deinde, ipso die 24 mensis Aprilis ligamen accipies ad colloquium accedendum.
Si sunt vobis dubia aut rogata, nuntium scribatis ad collegiumlatinitatis@collegiumlatinitatis.com atque responsum a nobis statim accipietis. Expectatissimi et expectatissimae venietis ad colloquendum!
Collegium Latinitatis, prid. Id. Apr. ann. MMXXI