25 Oct PRAEMIUM VIVES
Posted at 12:31h
in Nuntii
Collegium Latinitatis instituit PRAEMIUM VIVES ad annum academicum MMXVIII-MMXIX, quo honestabuntur studiosi totius orbis terrarum qui Latine scripserint opuscula sua. Agitur enim de dissertationibus doctoralibus, de dissertationibus Tirocinii Docendi deque dissertationibus ad lauream studiorum impetrandam. Aestimabitur gravitas atque constantia pervestigationis, diligentia, accuratio et venustas in scribendo. Amplius meritum tribuetur, si opus Latine pro tribunali defenderit candidatus. Opera et documenta rite subsignata mittentur ad collegiumlatinitatis@gmail.com ante Kalendas Septembres ann. MMXIX.