Priscianus Grammaticus

CVRSVS LINGVAE LATINAE

Cursus tironibus et provectioribus ordinabuntur, quibus discipuli rudimenta discere ac monumentis auctorum delectari possint.

CVRSVS "VESTIBVLVM"

Cursus "Vestibulum"

Mense Ianuario "Vestibulum" a Collegio Latinitatis Valentiae ordinatus initium cepit. Cui cursui XL discipuli, duos in greges divisi, ita intersunt ut per usum rudimenta Linguae Latinae adipiscantur atque ad ipsos auctores Latinos pedetemptim pervenire possint. Itaque nostris in scholis, quae in facultate Geographiae et Rerum Gestarum traduntur, non tantum discipuli Philologiae Classicae numerantur, quin etiam alumni aliarum disciplinarum studiosi atque homines quibus Latinitatem colere cordi est. Scholas tradunt Ludovicus et Carolus, qui sunt inter magistros qui Latine semper loquuntur in lyceis cum discipulis. Vtamur lingua Latina!

Cursus "Vestibulum"

Ecce praeconium!

CVRSVS LATINITATIS VIVAE AESTIVVS

Cursus Aestivus Latinitatis Vivae Matritensis

Editumst praeconium cursus c.n. CAELVM qui habebitur Matriti mense Augusto exeunte, CulturaClasica.com moderante atque Collegio nostro favente. Ad hoc magistrorum munere fungentur Casparius Porton (Batavia), Iustus Bailey (Civitates Americae Foederatae), Robertus Carfagni (Italia) atque nostri Collegii sodales Aloisia Aguilar et Georgius Tárrega. Denique numerabitur inter magistros et Daniel Pettersson, qui Latinitium condidit.

Inspiciatis cursus praeconium, dein, si libuerit, nomen dabitis!

COLLEGIVM LATINITATIS

© MMXVII — VALENTIAE